Урбан Сити Проект: со маркетинг систем за продажба на луксузни станови
Урбан Сити Проект е градежна компанија со повеќе од тринаесет години искуство во изградба на станбени и деловни објекти низ цела Македонија. Компанијата е препознатлива по вниманието кон детали, квалитетната изведба и современиот архитектонски пристап. Нашата маркетинг соработка започна со јасна цел продажбата на високо луксузни станбени единици да се поддржи со структуриран и континуиран дигитален маркетинг.
Предизвикот
Продажбата на луксузни станбени единици бара поинаков пристап од класичното рекламирање. Потенцијалните купувачи носат одлуки внимателно и очекуваат јасни информации, доверба и визуелна презентација што ја одразува реалната вредност на објектите. Предизвикот беше да се изгради маркетинг систем што ќе ги истакне квалитетот, локацијата и архитектурата, а истовремено ќе овозможи лесен контакт и јасен продажен процес.
Маркетинг кампањи
На месечно ниво креираме и лансираме различни маркетинг кампањи на социјалните медиуми со јасна цел продажба на станбените единици. Кампањите се поставени со различни пораки, формати и таргетирања, прилагодени за различни типови публика и интереси.
Поставивме настани, пиксели и формулари за брза комуникација, како и повеќе лендинг страници наменети за поедноставување на продажниот процес. Секојдневно ги следиме бројките и статистиките од рекламите, со цел навремено да правиме корекции и да ги подобруваме резултатите. Овој пристап овозможува кампањите да бидат постојано оптимизирани и насочени кон реални купувачи.
Фото и видео продукција
За да се прикаже реалната вредност на станбените единици, редовно реализираме професионално снимање и фотографирање директно на терен. Снимаме ентериери, екстериери и детали од објектите со професионална опрема, со цел да создадеме продажни видеа и визуелни материјали наменети за рекламни кампањи на социјалните медиуми.
Овие видеа и фотографии овозможуваат потенцијалните купувачи уште при првиот контакт да добијат јасна слика за просторот, архитектурата и квалитетот на изведбата.
Контент стратегија и одржување
Покрај рекламните кампањи, креираме и месечен план за органски објави на социјалните медиуми. Содржините се насочени кон претставување на објектите, текот на градбата, деталите од станбените единици и предностите што ги нуди Урбан Сити Проект.
Објавите се внимателно планирани за да го одржат интересот на публиката и да создадат континуирано присуство на брендот на Facebook и Instagram.
Проактивност и комуникации
Нашата соработка не се сведува само на извршување на договорените активности. Континуирано даваме идеи, совети и сугестии за подобрување на комуникацијата, начинот на претставување и изборот на промотивни пораки. Во постојана сме комуникација со тимот на Урбан Сити Проект со цел секоја активност да биде навремена, усогласена и насочена кон резултати.
Следење, анализа и усовршување
Сите активности се проследени со редовна анализа и следење на резултатите. Податоците од кампањите, интересот од публиката и бројот на контакти се користат за континуирано усовршување на маркетинг стратегијата. Овој процес овозможува секој следен чекор да биде подобро прилагоден и поефикасен од претходниот.
Пораснете со LeanBrandz
Кликнете на копчето и закажете состанок, за да го започнеме процесот на вашата трансформација.